Fevralın 1-dən gündəlik çıxan 7 qəzetin satış qiyməti 20 qəpikdən 30 qəpiyə qalxıb. Bu «Azadlıq», «Yeni Müsavat», «Gündəlik Azərbaycan», «24 saat», «Şərq», «Bizim yol» və «Ekspres» qəzetləridir. «Azadlıq» qəzetinin baş redaktoru Qənimət Zahid deyir ki, əgər 1 il əvvəl qəzet kağızının bir tonu 600 ABŞ dolları idisə indi bu rəqəm 800 ABŞ dollarına qalxıb. Onun sözlərinə görə, üstəlik həm enerji daşıyıcılarının, həm də çap xərclərinin artması onları belə bir addım atmaq məcburiyyəti qarşısında qoyub.
Tarif Şurasının enerji daşıyıcıları və bir sıra xidmət sahələrində qiymətləri artırdıqdan dərhal sonra da «Ayna», «Zerkalo», «Exo» qəzetləri satış qiymətini artırmışdı.
Fevralın 1-dən həmçinin «Azərbaycan» dövlət nəşriyyatı da çap xərclərini 25 faiz artırıb. Bunu «Azadlıq» radiosuna nəşriyyatın direktor müavini Bəsti İsmayılova deyib. «Azərbaycan» nəşriyyatı Tarif Şurasının məlum qərarından sonra kommunal xəclərini 50 faiz artırıb.
AzadlıqRadiosu Jurnalistika üzrə Təqaüd Proqramı elan edir
AzadlıqRadiosunu Rusiya hökuməti "arzuolunmaz təşkilat" elan edib
Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.
Ətraflı məlumat üçün bura klikləyin.
Azadlıq Trend
1