Yanvarın 24-də gecə saatlarında Bakının Sabunçu qəsəbəsi, Sultanov küçəsi 11-də yanğın baş verib. Yanğın nəticəsində ev sahibinin anası Sürmə Cəbiyeva həlak olub. Hadisə ilə bağlı Rayon Prokurorluğunda təhqiqat başlanıb. Yanğının səbəbi və dəyən ziyan müəyyənləşdirilir.
Fövqəladə Hallar Nazirliyinin məlumatında o da deyilir ki, yanvarın 23-də Ucarda və Gəncə şəhərində qazla ehtiyatsız rəftar ucbatından partlayış baş verib. Gəncənin Puşkin küçəsindəki 32 saylı evdə qaz sayğacı quraşdırılarkən yanğınla nəticələnən partlayış zamanı 20 yaşlı Ramin İbrahimov xəsarət alıb.