Yaxın bir neçə gün ərzində «Şahdəniz» yatağının hasilat və ixrac sistemi artıq normal istismar əməliyyatı ilə işləyəcək. «bp-Azərbaycan» şirkətinin mətbuat meneceri Tamam Bayatlının «Azadlıq» radiosuna verdiyi məlumata görə, «Şahdəniz» yatağında yaranmış texniki problemlər artıq aradan qaldırılıb və yanvarın 14-ü axşam saat 10 radələrində qazın hasilatı bərpa olunub.
Xəzərin Azərbaycan sektorunda yerləşən «Şahdəniz» yatağında texniki səbəblərdən qaz hasilatı 2006-cı ilin dekabrında dayandırılmışdı.