İran polisi ötən 8 ayda zorlamalar üstündə 300 nəfərin tutulduğunu bildirib. Polkovnik Əli Təvazöi deyib ki, zorlayanların sayı zorlama qurbanlarının sayını keçib. Bu isə bəzi qurbanların dəstə ilə təcavüzə məruz qaldığını göstərir. Polis rəsmisinin sözlərinə görə, zorlamaların 15 faizə qədərini öz maşınlarını taksiyə çevirən sürücülər törədirlər. İran polisi qadınları şəxsi taksilərə minməməyə çağırıb.