Türkiyənin Azərbaycana təyin olunmuş yeni səfiri Hüseyn Avni Qarslıoğlu gələn həftə Azərbaycana gələcək. Bu barədə «Turan» İnformasiya Agentliyinə diplomatik mənbələrdən məlumat verilib. Qarslıoğlu səfir vəzifəsində artıq Azərbaycanı tərk etmiş Turan Moralını əvəz edəcək.
Hüseyn Avni Qarslıoğlu 1956-cı ildə anadan olub və 90-cı illərdən Xarici İşlər Nazirliyi (XİN) sistemində çalışır. Türkiyə XİN-in Qafqaz və Orta Asiya ölkələri idarəsinin rəisi vəzifəsini icra edib. Son vaxtlar Azərbaycan sektoruna başçılıq edib.