İraqın Baş naziri Nuri əl-Maliki deyib ki, Səddam Hüseynin edamı İraqın daxili işidir. O xəbərdarlıq edib ki, İraq hökuməti edama görə onu tənqid edən ölkələrlə münasibətlərinə yenidən baxa bilər.
Əl-Maliki qeyd edib ki, keçmiş diktator üzərində məhkəmə ədalətli olub, ölüm hökmünün icrası isə İraq cəmiyyətinin birləşməsinə imkan yaradıb.
Səddam Hüseynin edamı onun tərəfdarları - sünnilərin kəskin etirazına səbəb olub.
Avropa Birliyi Səddamın bəşəriyyətə qarşı cinayətlərdə təqsirli bilinən iki yaxın tərəfdaşının mümkün edamına qarşı çıxır.