Kuba prezidenti ikinci dəfə əməliyyat oluna bilər. Bu barədə İspaniyanın «El Periodiko de Katalunya» qəzeti yazır. İspaniyanın ən məşhur cərrahlarından biri - Xose Luis Qarsiya Sabrido Kubaya gəlib-o, prezident Fidel Kastronu müayinə edəcək.
Kastro bu ilin iyulunda bir dəfə əməliyyat olunub və bağırsağındakı qanaxma aradan qaldırılıb. İndi ispaniyalı cərrah ikinci əməliyyata ehtiyac olub-olmadığını müəyyənləşdirəcək. Qəzet cərrahın özü ilə Kubada olmayan xüsusi tibbi avadanlıq gətirdiyini də yazır. Kastronun bu il 80 yaşı tamam olub.
