Naxçıvan Muxtar Respublikasında səfərdə olan prezident İlham Əliyev dekabrın 21-də Ordubad rayonuna gedib. Prezident kimyaçı alim, akademik Yusif Məmmədəliyevin yenicə təmirdən çıxmış ev muzeyinə və internat məktəbinə baş çəkib. Dövlət başçısı Ordubad ictimaiyyəti qarşısında çıxış edib. Günün sonunda prezidentin Naxçıvan Ali Məclisində müşavirə keçirəcəyi gözlənilir.