Bakının mərkəzində, "Bayırşəhər" ərazisində söküntü və kompensasiya qalmaqalı böyüyür. Evi ondan xəbərsiz sökülən sakin rəsmilərin bazar qiymətindən aşağı olan təklifinə etiraz etdiyi bir vaxtda, Milli Məclisdən kompensasiyaların hesablanması üçün "vahid meyar" müəyyənləşdirilməsi təklifi gəlib. Vəkillər isə mülkiyyətçinin razılığı olmadan evlərin sökülməsinin cinayət məsuliyyəti yaratdığı barədə xəbərdarlıq edirlər.