Azərbaycanda bankların sərbəst vəsaitləri 6.3 milyard manata çatsa da, kredit faizləri azalmayıb, əksinə 18.83 faizə yüksəlib. İnflyasiya şəraitində əhalinin gündəlik xərclər üçün borclanması problemli kreditlərin həcmini son bir ildə 36 faiz artıraraq 721.8 milyon manata çatdırıb. İqtisadçı Akif Nəsirli vəziyyəti belə izah edir: "Elə adamlar var ki, hal-hazırda ərzaq məhsulları almağa belə kreditə girir. İş yeri olarkən kredit götürən vətəndaş işini itirəndən sonra krediti ödəyə bilmir".