Xaricdə çalışmağa məcbur qalan araşdırmaçı jurnalistlər Azərbaycanın bəzi dövlət saytlarına sərbəst daxil ola bilmirlər. Məsələn, dövlət satınalmaları ilə bağlı məlumatların yerləşdirildiyi etender.gov.az saytı ölkə xaricində açılmır. Almaniyada təsis edilmiş "Qəzetçi" saytının redaktoru Leyla Mustafayevanın fikrincə, bu addım məqsədli xarakter daşıyır: "Hökumət qurumları gördü ki, təkcə ölkə daxilindəki jurnalistləri həbs etməklə araşdırmalara son qoymaq mümkün deyil".