Rəsmi rəqəmlərə görə, artıq 26 mindən çox Qarabağ ermənisi Ermənistan vətəndaşlığı alıb. Yerevanda siyasi şərhçi Ruben Mehrabyan düşünür ki, artıq onların Azərbaycan cəmiyyətinə inteqrasiyası hər iki tərəf üçün aktual deyil: "Həm Ermənistanın, həm də Azərbaycanın artıq başqa prioritetləri var. ABŞ-nin ciddi şəkildə cəlb olunduğu 8 avqust tarixindən sonrakı proses və mərhələlərdə, ümumiyyətlə, Qarabağ erməniləri və reinteqrasiya məsələsi barədə danışılmır".