Британия Русиягә кайбер тауар һәм технологияләр экспортын тыйды
Тыю "Украинаның каһарман халкына каршы репрессияләр" өчен куллана алган тауарлар һәм технологияләргә кагыла.
"Тыю таралган продукция үз эченә яшерен тыңлау һәм күзәтү җиһазларын кертә ала. Бу тыю барлык мөмкинлекләрне ябачак, Русия бу тауарларны Британиядә сатып ала алмаячак", диелә хөкүмәт сайтындагы белдерүдә.
Мәскәүнең Красносельский муниципаль депутатлар шурасында тентү узды
Бу хакта муниципаль депутат Илья Яшин хәбәр итте. Моннан тыш тентү муниципаль депутат Алексей Гориновта үтте, аны хәзер Тикшерү комитетына алып баралар.
Красносельский муниципаль депутатлар шурасында күпчелек урынны хакимияттән бәйсез сәясәтчеләр алып тора. Бу шура Украинадагы сугышка каршы белдерү ясаган иде.
Volvo һәм Land Rover Jaguar Русиядәге төп хезмәткәрләрен кыскарта
Бу хакта "Коммерсант" хәбәр итә.
Бер атна элек Русиядән тулысынча General Motors (GM) автоконцерны китүе билгеле булды. Сугыш аркасында Русиядән инде 750дән артык чит ил ширкәте китүен яки эшен вакытлыча туктатуын игълан итте.
Луһански өлкәсендә гади халык булган җирләргә 17 тапкыр һөҗүм ясалган
Русия хәрбиләре соңгы тәүлектә Луһански өлкәсендә гади халык булган җирләргә 17 тапкыр һөҗүм ясаган, дип белдерде өлкә идарәсе башлыгы Сергей Гайдай.
Иң күп зыян күргән торак урыннар арасында – Попасная, Лисичанск, Горная община. Ихтимал корбаннар һәм зыян күрүчеләр турында мәгълүмат җыела.