Keçid linkləri

2024, 05 May, bazar, Bakı vaxtı 11:23

Bayden Şimal axını-2 sanksiyalarından danışdı


Almaniyada yol işarəsi
Almaniyada yol işarəsi

ABŞ rəsmilərinin fikrincə, bu kəmər Avropanı Rusiyanın enerji təchizatından daha çox asılı edəcək və qaz tranzit haqlarından asılı Ukraynadan yan keçəcək

ABŞ administrasiyası Şimal axını-2 qaz layihəsinə sanksiyaları ona görə dayandırmağa qərar verdi ki, layihə demək olar tamamlanıb və sanksiyalar Avropa müttəfiqləri ilə münasibətlərə ziyan vurardı. Bunu Prezident Co Bayden deyir.

“Münasibətlərimizə əks təsir göstərərdi”

“Layihə demək olar tamamlanıb. Bu heç də mənim Almaniyaya nəyisə icazə verib-verməyəcəyim məsələ deyil… Hazırda irəli gedərək sanksiyalar tətbiq etmək, məncə, Avropa ilə münasibətlərimizə əks təsir göstərərdi”, – Bayden deyb.

Şimal axını-2 Rusiyadan qazı Almaniyaya Baltik dənizinin dibiylə nəql edəcək.

Dövlət Departamentinin ötən həftə bildirməsinə görə, kəməri çəkən “Şimal axını 2 AG” Rusiya şirkəti və onun almaniyalı baş icraçı direktoru, Rusiya Prezidenti Vladimir Putinin müttəfiqi olan Matias Varniq sanksiya tətbiq olunası fəaliyyətlə məşğul olublar. Amma Bayden administrasiyası ABŞ-ın milli maraqlarına uyğun olmadığı üçün sanksiyaları dayandırır.

Bu addım Vaşinqtonun özündə respublikaçıların və bəzi demokratların tənqidinə səbəb olub.

İyunda görüşəcəklər

95 faizi tamamlanmış kəmər sentyabrda tam hazır ola bilər. Keçmiş prezident Donald Tramp administrasiyası dövründə o, Berlinlə Vaşinqton arasında siyasi mübahisə mövzusu idi. Yanvarda vəzifəyə keçən Bayden Avropayla münasibətləri düzəltməyə çalışır.

ABŞ rəsmilərinin fikrincə, bu kəmər Avropanı Rusiyanın enerji təchizatından daha çox asılı edəcək və qaz tranzit haqlarından asılı Ukraynadan yan keçəcək.

Almaniya hökuməti layihəni dayandırmaqdan imtina edib, bunun kommersiya və suveren məsələ olduğunu deyib.

Bayden iyunda Avropaya səfəri zamanı Almaniya kansleri Angela Merkel və Putinlə görüşəcək.

Merkel mayın 24-də deyib ki, sanksiyalar dayandırılandan sonra Şimal axını-2 üzrə Birləşmiş Ştatlarla müzakirələrin davam edəcəyini gözləyir.

AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG