Keçid linkləri

2024, 19 Mart, çərşənbə axşamı, Bakı vaxtı 08:05

Merkelə AstraZeneca vaksini vuruldu


Almaniya kansleri Angela Merkel aprelin 16-da koronavirusa qarşı vaksinin ilk dozası ilə peyvənd edilib.

Xəbər verilir ki, xanım Merkelə Britaniya-İsveç şirkəti AstraZeneca-nın vaksini vurulub.

Almaniya hökumətinin sözçüsü Şteffen Zaybert özünün Twitter hesabında kanslerə verilmiş beynəlxalq sertifikatın və vaksinasiya barədə şəhadətnamənin surətini dərc edib.

Angela Merkel həmvətənlərinə vaksinasiya kampaniyasında iştiraklarına görə təşəkkürünü bildirib və deyib ki, peyvəndləmə pandemiyaya üstün gəlməyin əsas yollarından biridir.

66 yaşlı Merkel dövlət başçısı kimi xüsusi imtiyazının olmasına baxmayaraq vaksin dozası üçün ümumi növbəyə durub.

Maraqlıdır ki, sorğulara görə Almaniya əhalisinin əksəriyyəti AstraZeneca vaksininə etibar etmir.

Onlar daha çox Almaniyanın BioNTech və Amerikanın Pfizer vaksininə üstünlük verirlər.

Pfizer vaksininin effektivliyi təcrübədə təsdiqlənib. İsraildə bu vaksinlə peyvənd olunanlar əhalinin 70 faizini təşkil edir.

Bu ölkədə koronavirusa yoluxma hallarının kəskin enişi müşahidə edilir.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG