Keçid linkləri

2024, 17 İyul, çərşənbə, Bakı vaxtı 23:12

Putinin elmi rəhbəri milyarderlər siyahısında


Vladimir Litvinenko
Vladimir Litvinenko

Litvinenko 2006-cı ildə “Vlast” jurnalına müsahibəsində deyirdi ki, Putinin doktorluq işini özü yazmasına “şübhə etmir”

Sankt Peterburq Dövlət Mədənçilik Universitetinin rektoru Vladimir Litvinenko “Forbes” dərgisinin milyarderlər siyahısına düşüb. O, Rusiya Prezidenti Vladimir Putinə 1997-ci ildə doktorluq dərəcəsini təqdim edən komissiyanın sədri olub.

Aprelin 6-da yayılmış dünyanın ən zəngin insanlarının illik reytinqində Litvinenko 1.5 milyard dollarla yer alıb.

“Forbes” bildirir ki, Litvinenko-nun sərvəti Moskvada yerləşən FosArqo şirkətinin səhmlərinin bahalanması sayəsində artıb. Bu kimyəvi maddələr holdinqi gübrə və fosfatlar istehsal edir.

Səhmlər bahalanıb

65 yaşlı Litvinenko şirkətin 21 faizinin sahibidir.

“2020-ci il aprelin 6-da şirkətin bir səhminin dəyəri 2 min 443 rubl (31.8 dollar) idi, 2021-ci il aprelin 6-da 4 min 163 rubla (54.2 dollar) yüksəlib”, – “Forbes” yazır.

1994-cü ildən rektor olan Litvinenko müxtəlif vaxtlarda Sankt Peterburqda Putinin seçki kampaniyasına rəhbərlik edib.

2006-cı ildə Vaşinqtondakı Brukinqs İnstitutunun tədqiqatçıları Putinin elmi işini araşdırıb, onun əsas bölməsinin 20 səhifəsindən 16-nın bir xarici dərslikdən ya tam köçürüldüyünü, yaxud cüzi dəyişikliklər edildiyini ortaya çıxarıblar.

Litvinenko 2006-cı ildə “Vlast” jurnalına müsahibəsində deyirdi ki, Putinin doktorluq işini özü yazmasına “şübhə etmir”.

Onun qızı Olqa Litvinenko isə 2018-ci ildə AzadAvropa/AzadlıqRadiosu-na deyib ki, atası prezidentin dəstəyilə universitet rektoru olandan sonra Putinin elmi işini yazıb.

Putin bu iddiaları şərh etməyib.

AzadlıqRadiosunda iş

İcraçı prodüser

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG