Keçid linkləri

Təcili xəbərlər
2021, 20 Aprel, çərşənbə axşamı, Bakı vaxtı 21:50

Birmada öldürülən etirazçıların sayı 300-ü keçib


Birmada etirazçılar

Martın 25-də Birləşmiş Ştatlar və Britaniya orduya məxsus, bir çox sektorlar böyük holdinqləri olan iki konqlomerata sərt sanksiyalar açıqlayıb

Ötən ayın hərbi çevrilişindən sonra Birmada (Myanma) öldürülmüş etirazçıların sayı 300-ü keçib.

Birmada Siyasi Məhbuslar üzrə Yardım Assosiasiyası (AAPP) ölənlərin və həbs olunanların sayını dəqiqləşdirir. Qurumun martın 26-da bildirməsinə görə, 320 ölüm yalnız sənədləşdirilmiş halları əhatələyir, real say “xeyli yüksək ola bilər”.

AAPP yalnız martın 25-də 11 nəfərin öldürüldüyünü bildirir. Şahidlər və fəallar martın 26-daə daha üç nəfərin güllələndiyini deyir.

25 faizi başından vurulub

Fevralın 1-də Aunq San Suu Kyi hökumətinin ordu tərəfindən devrilməsindən sonra 3 minədək şəxs saxlanıb, ittiham, yaxud məhkum edilib. Suu Kyi, Prezident Vin Myint hələ də saxlananlar sırasındadır.

Suu Kyi 1991-ci ildə Nobel Sülh Mükafatına layiq görülüb. Onun öncəki hərbi diktaturaya qarşı qeyri-zorakı mübarizəsi dəyərləndirilib.

AAPP-ın hesablamasına görə, öldürülənlərin azı 25 faizi başından vurulub. Bu isə onların bilərəkdən öldürülməsilə bağlı şübhələr oyadır.

Martın 25-də Birləşmiş Ştatlar və Britaniya orduya məxsus, bir çox sektorlar böyük holdinqləri olan iki konqlomerata sərt sanksiyalar açıqlayıb.

Birmanın iqtisadiyyatı ötən ilin ikinci yarısında başlamış COVID-19 pandemiyasından ciddi ziyan görüb.

Dünya Bankının martın 26-də açıqladığı proqnoza görə, bu il Birma iqtisadiyyatı 10 faiz kiçiləcək. Ötən il cəmi 1.7 faiz artım olmuşdu.

Şərhlər

XS
SM
MD
LG