Keçid linkləri

Təcili xəbərlər
2021, 11 Aprel, bazar, Bakı vaxtı 15:01

İtaliyada karantin sərtləşdirilir: mağaza, restoran və məktəblər yenidən bağlanır


İtaliya, tibb işçisi, arxiv foto

İtaliyanın bölgələrinin yarısından çoxunda mağazalar, restoranlar və məktəblər martın 15-dən etibarən bağlanacaq. Bu il aprelin 3-dən 5-dək qeyd olunan Pasxa tətilləri bitdikdən sonra yeni məhdudlaşdırıcı tədbirlərin götürülməsi nəzərdə tutulur. Məhdudlaşdırıcı tədbirlərin bu üç gün ərzində xüsusilə ciddi olacağı ehtimal olunur.

Bir il əvvəl, İtaliya dünyada ümumdünya karantini elan edən ilk ölkələrdən biri olub.

İndi İtaliya yenidən infeksiyanın sürətlə yayılmasının qarşısını almaq üşün yenidən qapanmaya gedir.

BBC-yə görə, İtalyan səlahiyyətlilər, koronavirus epidemiyası və ya koronavirus epidemiyasının ağırlaşdırdığı xəstəliklərin qurbanlarının sayının 100.000 olduğunu açıqlayıb. Bu rəqəm Avropada İngiltərədən sonra ikinci (125.000).

İtaliyadakı peyvənd kampaniyası Avropa Birliyinin qalan hissəsi ilə eyni çətinliklərlə qarşılaşıb - əvvəllər planlaşdırılan peyvənd miqdarının alınmasında gecikmələr.

İngiltərə-İsveç firması AstraZeneca, bəzi hökumətləri xarici ticarət məhdudiyyətləri tətbiq etdiyinə görə qınayaraq, Avropa Birliyinə peyvənd tədarükündə gecikmə olduğunu bəyan edib. BBC qeyd edir ki, AstraZeneca şirkəti hansı ölkələrdən bəhs etdiyini açıqlamayıb.

Yanvar ayında İngilis-İsveç peyvənd istehsalçısı mart ayı üçün Avropa Birliyinə vəd verilən çatdırılman 100 milyon doza azaldığını açıqlayıb. Bu da Avropa Komissiyasında narazılığın başlanmasına səbəb olub.

Keçən həftə İtaliya hökuməti AB-dən Avstraliyaya 250.000 doza Oxford-AstraZeneca peyvəndi ixracının qarşısını alıb. Bu İtaliyanın peyvənd çatışmazlığına cavabı idi.

Bolqarıstan, Danimarka və Norveç, Oxford-Astra-Zeneca peyvəndinin qanın qatılaşmasına səbəb olduğu barədə yayılan xəbərlərdən sonra peyvənd alınmasını dayandırıb. Dünya Səhiyyə Təşkilatı cümə günü bu cür narahatlıqların əsassız olduğunu söyləyib və peyvəndin davamlı istifadəsinə çağırıb.

Şərhlər

XS
SM
MD
LG