Keçid linkləri

2024, 19 Mart, çərşənbə axşamı, Bakı vaxtı 15:14

Orduya dəstək yürüşünə görə məsuliyyətə cəlb olunanların işi ayrıldı


Bakıda orduya dəstək aksiyası
Gözlə

No media source currently available

0:00 0:00:30 0:00

Bakıda orduya dəstək aksiyası

Bakıda orduya dəstək yürüşündə baş verənlərlə əlaqədar cinayət məsuliyyətinə cəlb olunmuş 37 nəfərin işi məhkəməyə birlikdə göndərilsə də, üç ayrı qrup üzrə araşdırılacaq. Səbail rayon Məhkəməsinin sədri Ağamalı Qafarov fevralın 24-də bu barədə qərarı elan edib.

Bu iş baxılması üçün məhkəmə sədrinin icraatında idi. Fevralın 23-də məhkəmənin hazırlıq iclasında təqsirləndirilən şəxslər və onların vəkilləri 22 vəsatət qaldırmışdılar. Bunlardan biri də təqsirləndirilən şəxslərin sayının çoxluğunu nəzərə alıb, işin hərtərəfli araşdırılması üçün bir neçə qrupa bölünməsi haqda idi. Hakim fevralın 24-də hazırlıq iclasının qərarını elan edərkən məlum olub ki, bir gün öncə qaldırılmış vəsatətlərdən yalnız bu təmin edilib. Cinayət işinə xitam verilməsi, ev dustaqlığında olan təqsirləndirilən şəxslərin ayaqlarına vurulmuş nəzarət qolbaqlarının ağırlığı və kobudluğuna görə dəyişdirilməsi, yaxud da ev dustaqlığının polis nəzarətinə vermə-qətimkan tədbiri ilə əvəzlənməsi və s. vəsatətlərin isə heç biri təmin edilməyib.

Bu işdə təqsirləndirilən şəxslər iyulda həbs olunsalar da, noyabr-dekabr aylarında ev dustaqlığına buraxılmışdılar. Onlardan biri məhkəmənin çağırışlarına gəlmədiyinə görə hazırlıq iclasının qərarıyla barəsində axtarış elan edilib. Daha bir nəfər isə ev dustaqlığına buraxılandan sonra başqa bir cinayət ittihamıyla yenidən həbs olunub.

Üç qrupun işi üzrə məhkəmə baxışı martın 4, 5 və 9-na təyin edilib.

Bu cinayət işi üzrə təqsirləndirilən 37 nəfərdən 15-i Azərbaycan Xalq Cəbhəsi Partiyasının (AXCP) fəallarıdır.

Xatırlatma

2020-ci ilin iyulunda Tovuz istiqamətində döyüşlərdən sonra iyulun 14-də Bakda orduya dəstək yürüşü keçirilib və orada olaylar yaşanıb. Baş Prokurorluq və Daxili İşlər Nazirliyinin birgə açıqlamasında yürüş zamanı polis əməkdaşlarına xəsarət yetirildiyi, xidməti avtomobillərin aşırıldığı, Milli Məclisə ziyan dəydiyi qeyd olunub.

Bu cinayət işi üzrə həbs olunanlara özgə əmlakına ziyan vurma, hakimiyyət nümayəndəsinə qarşı zor tətbiq etmə, ictimai asayişin pozulması ittihamları irəli sürülüb. AXCP-nin iki aparıcı üzvü – Məmməd İbrahim və Fuad Qəhrəmanlıya isə bunlardan əlavə həm də hakimiyyəti zorla ələ keçirməyə cəhd ittihamı verilib. İstintaqın sonunda hakimiyyəti zorla ələ keçirmə ittihamı hər ikisindən götürülüb. Əvəzində təqsirləndirilən şəxslərin hamısına CM-in 127-ci (qəsdən bədənə az ağır xəsarət yetirmə) maddəsi ilə yeni ittiham irəli sürülüb.

Bu maddələrdə 7 ilə qədər azadlıqdan məhrumetmə cəzası nəzərdə tutulub.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG