Keçid linkləri

2024, 16 Aprel, çərşənbə axşamı, Bakı vaxtı 17:52

2 milyon dollar Həcc pulu 'mənimsənilib'


Maksatbek Hacı Toktomuşova azadlıq tələb edirlər
Maksatbek Hacı Toktomuşova azadlıq tələb edirlər

Həm də Qırğızıstan Dini İdarəsinin rəhbəri olan Toktomuşov fevralın 10-da istefa vermişdi

Qırğızıstanın Böyük Müftisi Maksatbek Hacı Toktomuşov korrupsiya qalmaqalı çərçivəsində saxlanıb.

Dövlət Milli Təhlükəsizlik Komitəsinin (DMTK) fevralın 10-da bildirməsinə görə, Toktomuşov dindarların Həcc ziyarəti üçün verdikləri pulların mənimsənilməsində əli olmaqda şübhəli bilinir.

Müftinin buraxılmasını tələb edirlər

Toktomuşovun onlarla tərəfdarı fevralın 10-da axşam komitənin Bişkekdəki qərargahı qarşısında yürüş keçirərək müftinin buraxılmasını tələb edib.

Həm də Qırğızıstan Dini İdarəsinin rəhbəri olan Toktomuşov fevralın 10-da istefa vermişdi.

İdarənin mətbuat xidmətindən AzadAvropa/AzadlıqRadiosu-na verilən məlumata görə, yeni təyinatacan onun vəzifəsini müavini icra edəcək.

DMTK fevralın 10-da bildirib ki, idarənin baş mühasibi dindarlardan yığılmış 2 milyon dollara yaxın vəsaitdən sui-istifadədə şübhəli bilinərək saxlanıb.

Komitə mühasibin bir gün öncə, idarə rəsmisinə rüşvət verərkən saxlandığını iddia edir

İdarənin mətbuat xidməti isə məhkəməyədək məsələni şərh etməyəcəyini açıqlayıb.

6 milyon əhalisi olan Qırğızıstan əsasən sünni müsəlman ölkəsi hesab olunur.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG