Keçid linkləri

2024, 22 May, çərşənbə, Bakı vaxtı 01:52

Şurnuxda 12 ev Azərbaycanın nəzarətinə qaytarılır


Şurnux kəndi
Şurnux kəndi

Şurnux kənd icmasının rəhbəri Akop Arşakyan deyib ki, adamlar hələlik, problemlərini özləri həll edirlər

Yanvarın 5-dən Şurnux kəndində 12 ev Azərbaycan silahlı qüvvələrinin nəzarətinə qaytarılıb. AzadlıqRadiosu-nun Ermənistan xidməti Syunik rayonundakı mübahisəli ərazidə yaşayan 40-a yaxın şəxsin artıq evləri tərk etdiyini xəbər verir.

Şurnux kənd icmasının rəhbəri Akop Arşakyan deyib ki, adamlar hələlik, problemlərini özləri həll edirlər, rayon administrasiyası onların mənzil probleminin həllinə söz verib.

“Mal-qara o tərəfə keçsə...”

Bu günlərdə kənddə icma sədri, Gorusun meri, erməni sərhədçilər və sakinlər arasında görüşdə belə bir qərar verilib ki, evlərini tərk edənlər “həyatlarını riskə atmamaqdan ötrü” Azərbaycanın nəzarətinə qaytarılan əraziyə keçməsinlər. Onların mal-qarası isə Azərbaycan tərəfdə qalıb.

“Allah eləməsin, mal-qara o tərəfə keçsə, onların dalınca getmək lazım deyil. Sərhədçilərimizə müraciət edərik, neyləsək, onların vasitəsilə edərik”, – Akop Arşakyan deyib.

Radionun Ermənistan xidməti sərhədin dəqiqləşdirilməsinin davam etdiyini yazır. Ancaq dəqiqləşdirmənin hansı sənədlərə əsasən aparılması haqda hakim orqanlar məlumat vermirlər.

Arşakyan deyib ki, yanvarın 5-dən Şurnux sakinləri ilə Azərbaycan sərhədçiləri arasında məsafə 10 metr olacaq.

Xatırlatma

Bir müddət öncə yayılan xəbərlərdə dəqiqləşdirmənin sovet dövrü xəritələrinə uyğun aparıldığı deyilirdi. Həmin xəritələrdə Şurnux kəndinin bir hissəsi, bəzi yollar Azərbaycan ərazisindədir.

İndiyədək Azərbaycan rəsmiləri Ermənistanla sərhədlərin demarkasiyası ilə bağlı ictimaiyyətə hər hansı informasiya verməyiblər.

Ötən il sentyabrın 27-də Azərbaycan və Ermənistan silahlı qüvvələrinin təmas xəttində ağır döyüşlər başlayıb. Azərbaycan noyabrın 9-u döyüşlərin dayandırılmasına qədər 280 civarında kəndi, dörd qəsəbəni, Şuşa və daha dörd şəhəri (Cəbrayıl, Füzuli, Zəngilan, Qubadlı) işğaldan azad etdiyini açıqlayıb.

Noyabrın 10-da açıqlanmış atəşkəs bəyanatına əsasən, Kəlbəcər, Ağdam və Laçın rayonları da Azərbaycanın nəzarətinə qaytarılıb. Laçın dəhlizində və qoşunların təmas xəttində isə Rusiya sülhməramlıları yerləşdirilib. Keçmiş Dağlıq Qarabağ Muxtar Vilayətinin çox hissəsinin də Azərbaycanın separatçı saydığı qüvvələrin və Rusiya sülhməramlılarının nəzarətində qaldığı bildirilir.

AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG