Keçid linkləri

Təcili xəbərlər
2021, 27 Yanvar, çərşənbə, Bakı vaxtı 12:34

Facebook 4 milyon rubl cərimə ödədi


Arxiv fotosu

Twitter hələlik, cəriməni ödəməyib

Facebook şirkəti rusiyalı istifadəçilərin şəxsi məlumatları olan serverləri Rusiyaya köçürməkdən imtina etdiyinə görə 4 milyon rubl (53 min dollar) cərimə ödəməli olub. “İnterfaks” xəbəri Moskvanın Taqanski məhkəməsinə istinadla yayıb.

İcra məmurları Facebook-la bağlı icra işini dayandırıblar.

Fevralda məhkəmə Facebook və Twitter şirkətlərinin hərəsinə 4 milyon rubl cərimə kəsmiş, onları rusiyalı istifadəçilərin şəxsi məlumatlarının Rusiya ərazisində saxlanması qanununu pozmaqda ittiham etmişdi. Twitter hələlik, cəriməni ödəməyib.

2019-cu ilin aprelində isə məhkəmə Twitter və Facebook-u 3 min rubl cərimə etmişdi. Onlar rusiyalı istifadəçilərin məlumatlarının ölkə daxilində saxlanmasıyla bağlı informasiyanı “Roskomnadzor” media tənzimləyicisinə verməkdən imtina etmişdilər.

Cərimələr artırılıb

O zaman Twitter cəriməni ödədi, amma eyni zamanda bunu Ali Məhkəmədə mübahisələndirməyə çalışdı.

2016-cı ildə isə LinkedIn sosial şəbəkəsi rusiyalı istifadəçilərin məlumatlarını köçürmədiyinə görə “Roskomnadzor” tərəfindən bloklandı.

Bəzi ölkələr vətəndaşlarının şəxsi məlumatlarının dövlətin ərazisində saxlanması öhdəliyi qoyan qanunları qəbul ediblər. Rusiyada belə bir qanun 2015-ci ildə qüvvəyə minib.

2019-cu ildə qəbul olunmuş əlavələrlə isə cərimələrin məbləği ciddi şəkildə artırıldı. İndi hüquqi şəxslər qanunu birinci dəfə pozanda 1 milyondan 6 milyonadək, təkrar pozuntuya görə 6 milyondan 18 milyonadək cərimə ödəyirlər.

Noyabrda Dövlət Dumasına təqdim olunmuş qanun layihəsində “Rusiya mediasının senzurası” ilə məşğul olan xarici internet-platformalara sanksiyalar nəzərdə tutulub. Qanun YouTube, Facebook və Twitter-i bloklamağa, Rusiya ərazisində onların trafikini zəiflətməyə imkan verəcək.

XS
SM
MD
LG