Keçid linkləri

Təcili xəbərlər
2020, 21 Oktyabr, çərşənbə, Bakı vaxtı 09:32

Bayraq Meydanında təmir işləri gedir


Meydan bayraqsız qaldı
Gözlə
Embed

No media source currently available

0:00 0:01:05 0:00

Meydan bayraqsız qaldı (Video arxiv)

Dövlət Bayrağı Meydanında təmir işləri gedir .

Bunu Bakı Dənizkənarı Bulvar İdarəsinin mətbuat xidmətinin rəhbəri Günay Yelmarqızı bildirib. Onun xatırlatmasına görə, bu meydanda tikinti-bərpa işləri 2017-ci ildən başlayıb. "Həmin təmir-bərpa işləri hazırda davam etdirilir", - o, "Turan" agentliyinə bildirib.

G.Yelmarqızının sözlərinə görə, bu, yeni məsələ deyil, əsaslı təmir, meydanda bərkitmə işləri gedir: "Əlbəttə, təmir-bərpa işləri başa çatdıqdan sonra dövlət bayrağı da yerində olacaq".

Amma mətbuat xidmətinin rəhbəri təmir-tikinti və bərpa işlərinin nə zaman sona yetəcəyini bilmədiyini söyləyib.

Xatırlatma

Bakıda Dövlət Bayrağı Meydanının yaradılması barədə sərəncam 2007-ci il noyabrın 17-də imzalanıb. Eyni zamanda, Dövlət Bayrağı Gününün təsis edilməsi haqqında sərəncam imzalanıb. Hər il noyabrın 9-u Azərbaycanda Dövlət Bayrağı Günü kimi qeyd olunur.

Dövlət Bayrağı Meydanının təməli 2007-ci il dekabrın 30-da qoyulub. 2010-cu ildə isə onun açılışı olub.

2016-cı il yanvarın 15-də də Dövlət Bayrağı Meydanı Kompleksi İdarəsi və Dənizkənarı Bulvar İdarəsi birləşdirilib. Nazirlər Kabineti yanında Dənizkənarı Bulvar İdarəsi yaradılıb.

2017-ci ildə meydandakı bayraq çıxarılıb, 2018-ci ilin iyun ayında isə meydanın ümumən sökülməsi prosesi başlanmışdı.

Multimedia

XS
SM
MD
LG