Keçid linkləri

Təcili xəbərlər
2020, 22 Sentyabr, çərşənbə axşamı, Bakı vaxtı 00:03

Belarusda müxalifətin seçkiqabağı tədbirləri ləğv olunur


Svyatlana Tsikhanouskaya seçki yürüşündə, arxiv fotosu

Belarus hakimiyyəti prezidentliyə namizəd Svyatlana Tsikhanouskaya-nın seçkiqabağı tədbirlərini ləğv edib. Yürüşlərin keçiriləcəyi ərazilərdə təmir işlərinə ehtiyac yarandığı bildirilib.

Paytaxt Minskdən 100 km cənubda yerləşən Slutsk şəhərində yerli orqanlar avqustun 4-də bildiriblər ki, tədbir planlaşdırılan məkanda “təcili” təmirə ehtiyac yaranıb və müxalifətin yürüşünü təxirə salındığı açıqlanıb.

Çevik polis və mülkigeyimlilər yürüşə yığışmış yüzlərlə müxalifət tərəfdarı arasında azı 17 nəfəri saxlayıblar. Məlumatı Viasna insan haqları mərkəzi açıqlayıb. Saxlananlar içində yerli xəbər vebsaytının redaktoru da var.

Tsikhanouskaya Soliqorsk şəhərində yürüşü təxirə salmalı olub, yürüş Slutskdan sonra avqustun 4-də axşam bu şəhərdə aksiya planlaşdırırdı.

Ekskavator gətirib yeri qazmağa başlayıblar

Minskdən 130 km cənubda yerləşən Soliqorskda yerli orqanlar yürüşün keçiriləcəyi stadiona ekskavatorlar gətirərək yeri qazmağa başlayıblar və təşkilatçılara deyiblər ki, tədbir təxirə salınır.

Polis daha sonra yürüşə gələnləri dağıtmağa başlayıb və azı beş nəfəri həbs edib.

Bir gün öncə Stolbtsi şəhərində Tikhanovskaya-nın seçki kampaniyasının təşkil etdiyi toplantı pozulub, yerli stadiona tikinti avadanlığı daşınıb.

Belarus hakimiyyəti Tikhanovskaya-nın qanuni yürüşlərini təxirə sala bilməz, ancaq onları pozmaqdan ötrü tikinti və digər bəhanələrə əl atır.

Avqustun 9-da Belarusda prezident seçkisidir və Lukashenka-nın 26 ildir davam edən avtoritar idarəçiliyi getdikcə daha zəif durumda görünür. Bir çox təhlilçilər isə onun saxtakarlıq və müxalifətə qarşı repressiya nəticəsində seçkini udacağını deyirlər.

Son həftələr onminlərlə müxalifət tərəfdarı prezidentliyə 37 yaşlı namizəd Svyatlana Tsikhanouskaya-ya dəstək yürüşünə çıxırlar. Onun seçkiyə buraxılmamış namizədlər dəstəkləyir.

Bir sıra potensial namizədlər seçkiyə buraxılmayıb. Kampaniya başlanandan siyasətçilər, təşkilatçılar, jurnalistlər daxil olmaqla 1100-dən çox saxlanan olub.

XS
SM
MD
LG