Keçid linkləri

2024, 29 Mart, Cümə, Bakı vaxtı 01:34

BMT rəhbərindən ‘qadınları qoruyun’ çağırışı


Rumıniyada qadınların etiraz yürüşü
Rumıniyada qadınların etiraz yürüşü

BMT-nin Baş katibi Antonio Guterres dünyada hökumətləri qadınların qorunmasını koronavirus pandemiyasına qarşı tədbirlərə daxil etməyə çağırıb.

“Zorakılıq təkcə döyüş meydanlarında baş vermir”, – Guterres bir sıra dillərdə yayımlanan videobəyanatında deyib. O, daha öncə COVID-19 pandemiyası ilə mübarizə məqsədilə münaqişə zonalarında atəşkəsə çağırmışdı.

“Bir çox qadınlara və qızlara bu təhdidin miqyası onların ən təhlükəsiz olmalı olduqları məkanlarda böyükdür. Öz evlərində”, – Guterres vurğulayıb.

Məişət zorakılığında artım

“Son həftələrdə sosial təzyiqlər və qorxu gücləndiyi bir dönəmdə məişət zorakılığında qorxunc artım müşahidə edirik. Hökumətlərin hamısını qadınlara qarşı zorakılığın önlənməsi və aradan qaldırılmasını COVID-19-a qarşı milli tədbirlərin əsas hissəsinə çevirməyə səsləyirəm”, – o deyib.

Guterres apteklərdə və ərzaq mağazalarında fövqəladə xəbərdarlıq sistemləri quraşdırmağa, “qadınların onları incidənlərin xəbəri olmadan dəstək alması” yollarını tapmağa çağırır.

“Biz birlikdə müharibə zonalarından adamların evlərinədək hər yerdə zorakılığın qarşısını ala bilərik və bunu etməliyik, bunu COVID-19-la mübarizəylə yanaşı etməliyik”, – deyən baş katib “yer üzündə hər bir ölkədə və evlərdə sülhə çağırıb”.

Cons Hopkins Universitetinin məlumatına görə, hazırda dünyanın 182 ölkəsində 1,25 milyon nəfər koronavirusa yoluxub. 250 mindən çox insan sağalıb, 68 mindən çoxu vəfat edib.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG