Keçid linkləri

2024, 23 Aprel, çərşənbə axşamı, Bakı vaxtı 11:56

ATƏT-in media təmsilçisi jurnalistlərə zorakılığı qınayır


MSK qarşısında etiraz, 11 fevral, 2020-ci il
MSK qarşısında etiraz, 11 fevral, 2020-ci il

ATƏT-in Media Azadlığı üzrə Təmsilçisi Harlem Désir fevralın 11-də gecə Bakıda seçkisonrası etiraz zamanı etirazçıların saxlanmasını, zorakı insidentləri, jurnalistlərlə pis rəftarı qınayıb. Bəyanat fevralın 12-də yayılıb.

“Ötən gecə adamların saxlanmasından, zorakı insidentlərdən, hüquq-mühafizə əməkdaşlarının ictimai etirazı işıqlandıran jurnalistlərlə pis rəftarından çox narahatam. Jurnalistlər ictimai maraq doğuran, son parlament seçkiləri ilə əlaqədar baş verənləri işıqlandırdığından bu, özəlliklə qəbuledilməzdir”, – Désir vurğulayıb.

Bəyanatda qeyd olunur ki, fevralın 11-də etiraz dağıdılan vaxt müxtəlif media orqanları ilə əməkdaşlıq edən azı 8 jurnalistlə pis rəftar olunub, saxlanıblar, yaxud hüquq-mühafizə əməkdaşlarının hücumuna məruz qalıblar. Həmin media orqanları sırasında “Amerikanın səsi”, “AzadlıqRadiosu” və Meydan TV sadalanır.

Təmsilçi qeyd edir ki, “Bastainfo.com” onlayn platformasının redaktoru Mustafa Hacıbəyli bərk döyülüb, jurnalistlər Aynur Elgünəş başından vurulub, jurnalist Sevinc Vaqifqızı isə üzündən və qolundan xəsarətlər alıb.

“Hakimiyyəti bu insidentləri dərhal araşdırmağa, günahkarları məsuliyyətə cəlb etməyə, qurbanlarla bağlı gərəkən addımlar atmağa çağırıram”, – Désir deyib.

“Medianın ictimai tədbirləri işıqlandırmaq hüququ var, hüquq-mühafizə əməkdaşları isə jurnalistlərin hər zaman azad və təhlükəsiz xəbərləmə hüququna sayqı ilə yanaşmalı və onu qorumalıdır”, – bəyanatda vurğulanır.

Fevralın 11-də bir qrup namizəd Mərkəzi Seçki Komissiyasının qarşısında oturaq aksiya keçirməyə cəhd edib. Polis aksiyanı dağıdıb, aksiya iştirakçıları və jurnalistləri avtobuslara dolduraraq hadisə yerindən uzaqlaşdırıb. Daxili İşlər Nazirliyi isə aksiyanın qanunsuz olduğunu,iştirakçıların polisin qanuni tələblərinə riayət etmədiyini bildirib. Nazirlik saxlananlara fiziki zor tətbiq edilməsi ilə bağlı deyilənləri təsdiqləməyib.

Fevralın 9-da Azərbaycanda növbədənkənar parlament seçkiləri keçirilib. Mərkəzi Seçki Komissiyası (MSK) dairələr üzrə ilkin lider namizədlərin adlarını açıqlayıb. Artıq bir çox dairələr üzrə şikayətlər eşidilməkdədir. MSK-dan deyilib ki, bütün şikayətlər qanunvericiliyə uyğun araşdırılacaq.

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG