Yanvarın 28-nə olan məlumata görə, Çində yeni təhlükəli virusdan 132 nəfər dünyasını dəyişib, 5 min 974 nəfər bu virusa yoluxub. Məlumatı ölkənin Milli Səhiyyə Komissiyası açıqlayıb.
Daha 9 min 239 şübhəli respirator xəstəlik halı isə nəzarət altındadır, hökumət yanvarın 29-da bildirib.
Çindən kənarda, Avropa, Şimali Amerika və Asiyanın müxtəlif yerlərində isə onlarla yeni hal aşkar olunub.
Virusa ümumi yoluxma halları artıq SARS virusunu keçib. 2002-2003-cü illərdə həmin virusda dünyada 600-dan çox adam dünyasını dəyişmişdi.
Yeni koronavirusun əlamətləri qızdırma, öskürək, təngnəfəslikdir.
Hakimiyyət Hubey vilayətində 17 şəhərə giriş-çıxışı bağlayıb.
Vuhan epidemiyanın episentrində yerləşir. Çinin mərkəzində yerləşən bu şəhərdə 11 milyon nəfər yaşayır.
Artıq əcnəbilər vilayəti tərk etməyə başlayıblar.
Yanvarın 29-da ABŞ vətəndaşlarını daşıyan təyyarə Alyaskaya yola düşüb, sərnişinlər virusa qarşı yoxlanacaq.
206 nəfərin olduğu Yaponiya təyyarəsi isə Vuhandan çıxıb və yanvarın 29-da səhər Tokionun Haneda aeroportuna çatıb.