Keçid linkləri

Təcili xəbərlər
2019, 15 Noyabr, Cümə, Bakı vaxtı 01:13

Sosial şəbəkələr ekstremist kontentə qarşı hərəkətə keçir


Facebook-un sildiyi hesablar

Dünyanın aparıcı texnologiya şirkətləri internetdən ekstremist kontentin çıxarılması cəhdlərini gücləndirirlər. Ölümlə nəticələnən insidentlərdən sonra sosial media şirkətləri bu anlamda getdikcə daha çox diqqət mərkəzindədirlər.

Facebook sentyabrın 23-də BMT-də belə bir təşəbbüsünü dilə gətirib. Onlayn ekstremist risklərlə bağlı toplantıya Fransa Prezidenti Emmanuel Macron və Yeni Zelandiyanın Baş naziri Jacinda Ardern rəhbərlik edib.

Facebook, Twitter, MicrosoftYouTube 2017-ci ildə Terrorçuluğa qarşı Qlobal İnternet Forumunu yaradıblar. Bu qeyri-rəsmi alyansın hədəfi sosial mediada ən təhlükəli materialları aşkarlamaq idi.

Martda Yeni Zelandiyada iki məsciddə ağdərili irqçinin törətdiyi qırğından sonra texnologiya şirkətlərinə diqqət artıb. Həmin şəxs məscidlərə hücumu canlı yayımlayıb, irqçi konspirologiya nəzəriyyələri ilə dolu manifestini isə internetdə yerləşdirib.

Facebook bildirir ki, 2017-ci ildə yaradılmış forum indi müstəqil qurum sayılacaq, ekstremist kontentlə mübarizə aparacaq, özünün işçiləri, direktoru olacaq.

Bu iş üzrə məşvərət şurasına qeyri-hökumət təşkilatları rəhbərlik edəcək. Birləşmiş Ştatlar, Fransa, Britaniya, Kanada, Yeni Zelandiya, Yaponiya, BMT və Avropa Birliyinin ekspertləri də tövsiyələrini verəcək.

Facebook ötən həftə bu sosial şəbəkədə nifrət çıxışı və ekstremizmi məhdudlaşdıracaq bir sıra addımları elan edib.

Şirkət bildirib ki, terrorçu təşkilatların təsnifatını genişləndirəcək, atışma səhnələrini daha yaxşı aşkarlamaq və canlı yayımları önləməkdən ötrü süni zəkadan istifadə edəcək.

Günün bütün mövzuları

XS
SM
MD
LG