Keçid linkləri

Təcili xəbərlər
2019, 20 Avqust, çərşənbə axşamı, Bakı vaxtı 05:17

Bu il Həcc ziyarətində kvota azalıb


Kəbə

Bu il Azərbaycanda Həcc ziyarətində zəvvarlara ayrılan kvota tam dolub.

Bunu Qafqaz Müsəlmanları İdarəsində (QMİ) Həcc ziyarətini təşkil edən şöbədən bildiriblər. Kvota 1400 nəfərdir.

Həcc ziyarətinə gedəcək zəvvarların ilk dəstəsinin avqustun 2-də yola salınması gözlənir.

İdarədən verilən məlumata görə, avqustun 2-dən 6-na qədər hər gün iki reys həyata keçiriləcək.

2018-cu ildə Azərbaycandan Həcc ziyarətinə 1440 nəfərlik kvota ayrılmışdı. Bu il sayda azalma olsa da, qiymətlərdə 75 dollarlıq bahalaşma baş verib. 2019-cu ildə Həcc ziyarəti bir zəvvara 4225 dollara (ötən il 4150 dollar) başa gəlib.

Bu il Qurban bayramı 12-13 avqust tarixlərində qeyd ediləcək. Həcc ziyarətləri, adətən, Qurban bayramları vaxtı icra edilir.

Son illər Azərbaycandan Həcc ziyarətinə gedənlərin sayında ümumən azalma var.

2015-ci ildə Azərbaycandan həcc ziyarətinə 1500 nəfərlik kvotaya rəğmən, 2400 zəvvar getmişdi.

2017-ci ildə isə bu, cəmi 900 nəfər təşkil edib. Sonradan sayda yenidən artım baş versə də, 2015-ci il səviyyəsinə çatmayıb.

İslamda Həcc ziyarəti vacib şərtlərdən sayılır. Söhbət Səudiyyə Ərəbistanının Məkkə şəhərində Kəbənin ziyarətindən gedir.

Günün bütün mövzuları

XS
SM
MD
LG