Keçid linkləri

Təcili xəbərlər
2019, 21 Avqust, çərşənbə, Bakı vaxtı 02:19

ABŞ seçki təhlükəsizliyi qanununu qəbul edir


2016-cı ilin prezident seçkisi

ABŞ-ın Nümayəndələr Palatası seçki təhlükəsizliyini artırmağı hədəfləyən qanunvericiliyi qəbul edib. 2016-cı ildə Rusiya ABŞ-da prezident seçkisinə kiber müdaxilə etmişdi.

Demokratların hazırladığı qanun layihəsində kağız bülletenlərlə səsvermə, seçkisonrası auditə icazə verilir, həmçinin köhnə və zəif səsvermə avadanlığının yenilənməsi nəzərdə tutulur.

İyunun 27-də qanun layihəsi 225-184 səs fərqiylə qəbul olunub.

Xüsusi prokuror Robert Mueller ikiillik təhqiqatdan sonra apreldə belə bir qənaətə gəlib ki, Rusiya 2016-cı il seçkisinə haker hücumları da daxil “sistematik” müdaxilə edib.

Demokratlar gələn il respublikaçı Donald Trump-ı prezidentlikdən kənarlaşdırmağa çalışırlar və belə bir təhlükəsizlik layihəsinin qəbulunu istəyirlər.

“2020-ci il gəlir. Hazır olaq”, – palatanın kəşfiyyat komitəsinin sədri Adam Schiff səsvermədən sonra tvitində yazıb.

Qanunvericiliyə görə, ABŞ ştatlarına 2020-ci ilin noyabr seçkisinədək səsvermə mexanizmlərini kiberhücumlardan qorumaqdan ötrü yüzmilyonlarla dollar ayrılacaq.

Rusiya 2016-cı ildə Floridada iki səsvermə sisteminə haker hücumu edib, ancaq nəticələri dəyişməsinə dəlil yoxdur.

Günün bütün mövzuları

XS
SM
MD
LG