Keçid linkləri

Təcili xəbərlər
2019, 20 Avqust, çərşənbə axşamı, Bakı vaxtı 17:20

90 yaşlı paraşütçülər bir daha tullandılar


Tom Rice (öndə)

ABŞ və Britaniyadan olan, yaşları 90-ı keçmiş 2-ci Dünya müharibəsi dövrü paraşütçüləri Normandiya əməliyyatının 75-ci ildönümü münasibətilə bir daha tullanış həyəcanı yaşayıblar.

ABŞ-ın məşhur 101-ci hava diviziyasının keçmiş üzvü, 97 yaşlı Tom Rice iyunun 5-də yerə enərkən Birləşmiş Ştatların nəhəng bayrağını dalğalandırıb.

“Əladır. Geri qayıdıb bunu təkrarlamaq istərdim!” – o qışqırıb.

Rice başqa bir paraşütçüyə bağlanıb, tullanışa o nəzarət edib.

Britaniyadan iki veteran isə Fransanın şimalında paraşütdən enib. 95 yaşlı Harry Read və 94 yaşlı John Hutton Britaniyanın Paraşüt Polkunun üzvləri ilə birlikdə şou göstəriblər.

1944-cü ildə 150 mindən artıq müttəfiq qüvvəsi Portsmutdan Normandiyaya hava, dəniz və quru hücumuna başlayıb. Sonucda Avropanın qərbi nasist rejimindən xilas olundu. Döyüşlər zamanı hər iki tərəfdən minlərlə adam həlak olub.

Günün bütün mövzuları

XS
SM
MD
LG