Keçid linkləri

Təcili xəbərlər
2019, 20 Avqust, çərşənbə axşamı, Bakı vaxtı 08:54

ABŞ səfiri köçkünlərə iftar süfrəsi açıb


Li Litzenberqer

ABŞ-ın Azərbaycandakı səfiri Li Litzenberqer mayın 30-da Bakının Yeni Ramana qəsəbəsində məcburi köçkünlərdən ötrü iftar süfrəsinə ev sahibliyi edib.

İftar süfrəsinə səfirliyin dəstəklədiyi ingilis dili proqramında iştirak edən uşaqların ailələri qatılıb.

Bu barədə ABŞ-ın Azərbaycandakı səfirliyi məlumat yayıb.

Səfir Litzenberqer deyib ki, tolerantlıq ilboyu vacibdir: «Lakin Ramazan ayı ərzində bu və digər dəyərləri öz həyatımıza, uşaqlarımızın həyatlarına necə daxil edəcəyimiz barədə düşünmək xüsusi əhəmiyyət kəsb edir».

ABŞ-da Ramazan ayı Tunisin bu ölkədəki səfiri Sidi Soliman Mellimellinin şərəfinə prezident Tomas Ceffersonun iftar naharından başlayaraq 200 ildən artıqdır ki, qeyd olunur.

Ermənistanın Azərbaycana ərazi iddiaları ilə bağlı 1988-ci ildə Qarabağ münaqişəsi başlayıb. 1994-cü ildə gerçəkləşən atəşkəs razılaşmasına qədər Azərbaycanın Dağlıq Qarabağ bölgəsi və ona bitişik 7 rayon işğal edilib. Həmin işğal edilən ərazilərin sakinləri hazırda paytaxt Bakı və ölkənin ayrı-ayrı bölgələrinə məskunlaşıblar.

Dağlıq Qarabağ münaqişəsinin həlli ilə bağlı sülh danışıqları ATƏT-in Minsk qrupu həmsədrlərinin vasitəçiliyi ilə aparılır. ABŞ, Rusiya və Fransa həmsədr dövlətlərdir.

Günün bütün mövzuları

XS
SM
MD
LG