Keçid linkləri

2024, 23 May, Cümə axşamı, Bakı vaxtı 20:25

Lukashenka Brüsselə nahara çağrılıb


Alyaksandr Lukashenka (ortada)
Alyaksandr Lukashenka (ortada)

Belarus Prezidenti Alyaksandr Lukashenka Brüsselə nahara dəvət olunub. Nahar mayın 13-də Şərq Tərəfdaşlığınını 10-cu ildönümü münasibətilə Avropa Şurasının Prezidenti Donald Tusk tərəfindən veriləcək.

AzadlıqRadiosu informasiya Avropa İttifaqında anonimlik şərtilə danışan bir sıra mənbələrdən əldə edib. Lukashenka Aİ-nin beş şərq tərəfdaşı – Ermənistan, Azərbaycan, Gürcüstan, Moldova və Ukrayna liderləri ilə birlikdə tədbirə dəvət olunub.

Ancaq onlar Lukashenka-nın nahara şəxsən qatılacağını gözləmirlər. Rəsmi Minsk nahara Xarici işlər naziri Uladzimer Makei-ni göndərə bilər. O, 2017-ci ildə Brüsseldə Şərq Tərəfdaşlığı sammitində ölkəsini təmsil etmişdi.

***Buna da bax: Aİ postsovet respublikaları ilə tərəfdaşlığı uzadır

Lukashenka daha öncə Aİ-nin tədbirlərindən kənarda qalmışdı və 2017-ci ildə ilk dəfə sammitdə yüksək səviyyədə təmsil olunmuşdu.

25 ildir Lukashenka idarəçiliyi altında olan Belarusu bəzən “Avropanın sonuncu diktaturası” adlandırırlar. 2010-cu ilin dekabrında prezident seçkisindən sonrakı təzyiqlərə görə Brüssel Minskə sanksiyalar tətbiq etmişdi.

2015-ci ilin avqustunda Belarusda siyasi məhbusların hamısı azad olundu. 2016-cı ilin fevralında isə Aİ bu ölkəyə sanksiyaların çoxunu qaldırdı.

Belə ki, aktivlərin dondurulması dayandırıldı, Lukashenka daxil 170 belarusluya viza qadağaları, 14 şirkətə məhdudiyyətlər qaldırıldı.

Aİ Şərq Tərəfdaşlığını 2009-cu ildə işə salıb. Məqsəd Şərqi Avropa və Cənubi Qafqazda altı ölkənin iqtisadi inteqrasiyasını, bu ölkələrdə Avropa dəyərlərini təkmilləşdirməkdir. Ancaq bu ölkələrə sonucda Aİ üzvlüyü vəd olunmur.

AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG