Keçid linkləri

Təcili xəbərlər
2020, 21 Oktyabr, çərşənbə, Bakı vaxtı 06:27

Prezident Kürdəxanıda...


İ.Əliyev Kürdəxanıda yeni yaşayış kompleksinın açılışında.

«Burada yaşayış üçün ən yüksək standartlar yaradılıb. Bu, bir daha göstərir ki, siyasətimizin mərkəzində Azərbaycan vətəndaşı dayanır».

AZƏRTAC-ın məlumatına görə, prezident İlham Əliyev bunu aprelin 5-də Bakının Kürdəxanı qəsəbəsində 810 məcburi köçkün ailəsindən ötrü salınan yeni yaşayış kompleksinın açılış mərasimində bildirib.

Dövlət başçısı məcburi köçkünlərin problemlərinin həllini ən prioritet məsələ adlandırıb. 2018-ci ildə məcburi köçkünlərə 5 mindən çox mənzilin inşa edildiyini bildirib.

İ.Əliyev bu yöndə işlərin bundan sonra da davam etdiriləcəyini və ilin sonuna qədər minimum 6 min mənzilin istifadəyə verilməsinin planlaşdırıldığını söyləyib.

Qarabağ münaqişəsi barədə danışan dövlət başçısı deyib ki, Azərbaycanın prinsipial mövqeyində heç bir dəyişiklik yoxdur: «Bu məsələ ölkəmizin ərazi bütövlüyü çərçivəsində, həmçinin beynəlxalq hüququn norma və prinsipləri əsasında öz həllini tapmalıdır. Tarixi ədalət də Azərbaycanın tərəfindədir».

Xatırlatma

Ermənistanın Azərbaycana ərazi iddiaları ilə bağlı 1988-ci ildə Qarabağ münaqişəsi başlayıb. 1994-cü ildə gerçəkləşən atəşkəs razılaşmasına qədər Azərbaycanın Dağlıq Qarabağ bölgəsi və ona bitişik 7 rayon işğal edilib, sakinlər ölkənin başqa bölgələrinə köçkün düşüblər. Dağlıq Qarabağ münaqişəsinin həlli ilə bağlı sülh danışıqları ATƏT-in Minsk qrupu həmsədrlərinin vasitəçiliyi ilə aparılır. ABŞ, Rusiya və Fransa həmsədr dövlətlərdir.

Multimedia

XS
SM
MD
LG