Keçid linkləri

2024, 28 May, çərşənbə axşamı, Bakı vaxtı 11:37

İİV-dən ikinci adam müalicə olunub


Arxiv fotosu
Arxiv fotosu

Qazanılmış immun çatışmazlığı sindromunu (QİÇS, ingiliscə AIDS) yaradan virusa yoluxmuş britaniyalının sağaldığı bildirilir. Avropalı alimlər buna kök hüceyrənin nəqli sayəsində nail olduqlarını deyirlər.

Martın 4-də “Nature” jurnalında dərc olunmuş bu tapıntı təsdiqlənərsə, QİÇS tədqiqatı tarixində ikinci uğur hesab olunar.

***Buna da bax: Donor qanından QİÇS-ə yoluxma halı qeydə alınıb

Tədqiqatçılar xəstənin adını çəkməyiblər, onu “londonlu pasiyent” adlandırıblar, QİÇS -ə səbəb olan insanda immun çatışmazlığı virusuna (İİV, ingiliscə HIV) 2003-cü ildə yoluxduğunu deyiblər.

O, daha sonra xərçəngə yoluxub və 2016-cı ildə xərçəngin müalicəsindən ötrü kök hüceyrənin transplantasiyasına razılaşıb.

Timothy Ray Brown, 2012-ci il
Timothy Ray Brown, 2012-ci il

Dərginin yazmasına görə, həkimlər daha sonra İİV-ə təbii müqavimət göstərən gen mutasiyası olan bir donor müəyyənləşdiriblər. Tədqiqatçılar bildirirlər ki, transplant pasiyentin immun sistemini dəyişib, ona donorun İİV-ə müqavimətini ötürüb.

Təxminən on il qabaq “berlinli pasiyent” adlanan bir nəfərin İİV-dən müalicə olunduğu bildirilmişdi.

***Buna da bax: Astarada bəzi ailələrə“dərd batmanla gəlir”

Sonradan onun Timothy Ray Brown olduğu, hazırda Birləşmiş Ştatlarda yaşadığı bəlli oldu. Ekspertlər onun daha İİV-ə yoluxmadığını deyirlər.

Alimlər Brown-un müalicəsini təkrarlamağa çalışsalar da, buna nail olmamışdılar.

Hazırda dünyada İİV-ə yoluxmuş 37 milyon nəfər var. 1980-ci illərdən dünyada QİÇS-dən 35 milyon nəfər dünyasını dəyişib.

Elmi tədqiqatlar nəticəsində hazırlanmış dərman kombinasiyası bir çox xəstələrdə onun önlənməsinə səbəb olub.

AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG