Keçid linkləri

Təcili xəbərlər
2020, 27 Oktyabr, çərşənbə axşamı, Bakı vaxtı 03:51

SDF 280 İŞİD yaraqlısını İraqa təhvil verir


SDF üzvü

Birləşmiş Ştatların dəstəklədiyi Suriya Demokratik Qüvvələri (SDF) ələ keçirdiyi İslam Dövləti (İŞİD) silahlı qruplaşmasının 280 yaraqlısını İraq hökumətinə təhvil verib. Bunu Bağdad rəsmiləri fevralın 24-də bildirib.

Rəsmilərin sözlərinə görə, bu, SDF əsirliyində olan “böyük sayda” İŞİD yaraqlısının yalnız bir hissəsidir. Həmin əsirlər arasında 500-dən artıq iraqlının olduğu bildirilir.

130 iraqlı İŞİD üzvü fevralın 21-də təhvil verilib.

Ordunun bəyanatına görə, təhvil verilmə prosesi “tamamlananadək davam edəcək”.

İŞİD 2014-cü ildə İraq və Suriyada böyük ərazilər ələ keçirərək “İslam xilafəti” yaradıb.

Amma ABŞ-ın dəstəklədiyi qüvvələr onları hər iki ölkədə sıxışdırıb, hazırda qruplaşmanın əlində kiçik ərazilər qalıb.

ABŞ Prezidenti Donald Trump “xilafət”in sonunu tezliklə elan edəcəyinə eyham vurub. Trump Suriyadakı 2 min ABŞ əsgərini çıxaracağını da bildirib. Amma Ağ ev sonradan bildirdi ki, bu ölkədə “müəyyən müddətə” 400 ABŞ “sülhməramlısı” qalacaq.

XS
SM
MD
LG