Keçid linkləri

Təcili xəbərlər
2020, 22 Oktyabr, Cümə axşamı, Bakı vaxtı 05:41

Bakı-Gəncə qatarında qiymət azaldılır


Sürət qatarı

Ötən il dekabrın 30-dan istifadəyə verilən Bakı-Gəncə-Bakı sürətli sərnişin qatarına gediş haqqı dəyişdirilir.

Bu barədə bu gün, yanvarın 31-də «Azərbaycan Dəmir Yolları» QSC məlumat yayıb.

Qurum yeni qərarı daha çox sərnişinlərin cəlb olunması və onların məmnunluğunu qazanmaq məqsədi ilə izah edir.

Dəyişikliklər fevralın 4-dən etibarən həyata keçiriləcək.

«Bu vaxta qədər günaşırı hərəkətdə olan Bakı-Gəncə-Bakı sürətli sərnişin qatarı fevralın 4-dən başlayaraq hər gün reysə çıxacaq. Yeni cədvələ uyğun olaraq, saat 8:45-də Bakıdan Gəncəyə və elə həmin gün saat 17:00-da Gəncədən Bakıya yola düşəcək. Qatarın yolda olma vaxtı isə azaldılaraq 4 saat 15 dəqiqə (indi 4 saat 28 dəqiqə göstərilir-r) təşkil edəcək. Gediş haqqı tariflərinə gəlincə, standart vaqonlarda qiymət 15 manatdan 10 manata endiriləcək. Birinci sinif (first class) və biznes vaqonlarda isə gediş haqqı dəyişilmədən saxlanılacaq», - QSC-nın açıqlamasında yazılıb.

Amma açıqlamada vurğulanmasına görə, standart vaqonlarda səhər yeməyinin və sərinləşdirici içkilərin pulsuz verilməsi dayandırılacaq: «Sərnişinlər istədikləri zaman qatarda yerləşən pullu avtomat köşklərdən istifadə edə bilərlər».

Xatırlatma

Bakı-Gəncə-Bakı sürət qatarı dekabrın 30-da işə düşüb. Bakı-Gəncə marşrutuna bilet qiymətləri 3 klass üzrə fərqlidir. Standart yerlərə bir biletin qiyməti 15 manat elan edilmişdi. «Biznes-klass»da bir bilet 50, «birinci-klass»da isə 100 manat təşkil edir.

Həmin vaxt qiymətlər və qatarların sürəti sosial şəbəkələrdə, mediada ciddi müzakirələrə səbəb olmuşdu. Bir çoxları qiyməti yüksək, sürəti isə az hesab edirdilər.

Multimedia

XS
SM
MD
LG