Keçid linkləri

2024, 19 Mart, çərşənbə axşamı, Bakı vaxtı 14:01

Lavrov Dağlıq Qarabağ münaqişəsindən danışıb


Sergei Lavrov
Sergei Lavrov

Ötən il Ermənistan rəhbərliyi dəyişdi. Bu səbəbdən bizim Dağlıq Qarabağ münaqişəsinin həlli üzrə həmsədrlərin işinə töhfəmiz tanışlıq görüşləri ilə məhdudlaşdı”. Bunu Rusiyanın Xarici işlər naziri Sergei Lavrov yanvarın 16-da keçirdiyi illik mətbuat konfransında deyib.

İnanıram ki, Bakının münaqişənin həllinin tapılmasına hazır olmasıyla bağlı bəyanatları bütün mümkün dəstəyə layiqdir. Ermənistanlı dostlarımızın eyni ruhda cavab verəcəyinə ümid edirik”, – o, sözlərinə əlavə edib.

Ötən ilin mayında Ermənistandakı küçə etirazları nəticəsində ölkəni 10 il prezident kimi idarə etmiş Serzh Sarkisian baş nazirlikdən getməli olub, müxalifət lideri Nikol Pashinian hakimiyyətə gəlib.

***Buna da bax: Nazir: 'Azərbaycanlı və erməni icmaları arasında təmaslar vacibdir'

Qarabağ münaqişəsi Ermənistanın Azərbaycana ərazi iddiaları ilə bağlı 1988-cı ildə başlayıb. 1994-cü ildə gerçəkləşən atəşkəs razılaşmasına kimi Azərbaycanın Dağlıq Qarabağ bölgəsi və ona bitişik 7 rayon işğal edilib. Münaqişənin həlli ATƏT-in Minsk qrupuna həvalə edilib. ABŞ, Fransa və Rusiya həmsədr dövlətlərdir.

Azərbaycanın Xarici işlər naziri Elmar Məmmədyarov ötən ilin sonunda deyib ki, «2019-cu ildə Ermənistan silahlı qüvvələrinin Azərbaycanın işğal olunmuş ərazilərindən çıxarılması və iki ölkə arasında münasibətlərin normallaşması baxımından müəyyən irəliləyiş əldə olunacağına» ümid edir.

***Buna da bax: Azərbaycan Ermənistanla təmas yaratmaq istəyir? – Qərb mediası

Prezident İlham Əliyev isə Yeni il təbrikində Dağlıq Qarabağ münaqişəsinin həlli məsələsində Azərbaycanın prinsipial mövqeyində qaldığını, bunun beynəlxalq hüququn norma və prinsiplərinə uyğun olduğunu bəyan edib: «Dağlıq Qarabağ tarixi, əzəli Azərbaycan torpağıdır. Bütün dünya ölkəmizin ərazi bütövlüyünü tanıyır. Ermənistan-Azərbaycan, Dağlıq Qarabağ münaqişəsi yalnız ölkəmizin ərazi bütövlüyü çərçivəsində öz həllini tapmalıdır».

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG