Keçid linkləri

2024, 18 May, şənbə, Bakı vaxtı 06:50

Daha bir miqrant karvanı ABŞ sərhədlərinə yol alır


Hondurasdan gələn miqrantlar, dekabr, 2018-ci il
Hondurasdan gələn miqrantlar, dekabr, 2018-ci il

Mərkəzi Amerikadan daha bir miqrant karvanı bazar ertəsi Hondurasdan yola düşüb. Onlar Birləşmiş Ştatlara getmək istəyirlər. Ötən il azı üç karvanlıq minlərlə miqrant eyni marşrutla yola çıxmışdı.

“The Associated Press” agentliyi San Pedro Sula şəhərində avtobus dayanacağında, leysan yağışda 600-dək miqrantın yığışdığını bildirir.

Qvatemala ilə sərhədə gedən qadınlı-uşaqlı 300-dək adam kiçik avtobuslara doluşub.

Təxminən 300 nəfərsə pay-piyada Aqua Kalient sərhəd şəhərinə yollanıb. Agentlik onlardan bir kişinin jurnalistdən çətir istədiyini yazır, o, qızının yağışda xəstələnə biləcəyini deyib.

Meksikadakı miqrantlar
Meksikadakı miqrantlar

Piyada miqrantlar yerli mağazalarda ərzaq, su istəyiblər.

Avtobus dayanacağına gələn adamların sayı isə azalmaq bilmir. Agentlik karvana qoşulanların artacağı ehtimalını vurğulayır.

Adını deməyən bir qadın 9 yaşlı qızının zorlandığını, sağlıq problemləri olduğunu deyib. O, çörək sexində işlədiyini, qızını və 13 yaşlı oğlunu Birləşmiş Ştatlara apardığını söyləyib.

Deyib ki, ABŞ hakimiyyətindən sığınacaq, yaxud qaçqın statusu istəyəcək, “çünki daha Hondurasda yaşamaq mümkün deyil”.

Yeni karvanın gərginliyi artıracağı, həm də Qvatemala və Meksikada ona qoşulanların olacağı qeyd olunur.

Ancaq bu karvanın Meksikanın Tijuana şəhərinə gedib-getməyəcəyi bəlli deyil. Noyabrdan bu şəhərdə minlərlə miqrant yaşayır.

ABŞ Prezidenti Donald Trump isə Meksikayla sərhədin hasarlanması üçün büdcədən vəsait tələb edir. Konqresdəki demokratlar buna qarşı çıxır və bu mübahisə hökumətin qismən bağlanmasına səbəb olub.

AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG