Keçid linkləri

Təcili xəbərlər
2019, 24 Yanvar, Cümə axşamı, Bakı vaxtı 03:49

Taliban hücumlarında azı 32 nəfər öldürülüb


Əfqanıstanda əməliyyat, 9 yanvar, 2018-ci il

Yanvarın 10-da Əfqanıstanın dörd vilayətində Talibanın təhlükəsizlik məntəqələrinə hücumlarında azı 32 təhlükəsizlik əməkdaşı öldürülüb.

Hücumlar Kunduz, Bağlan, Taxar və Badğis vilayətlərində törədilib.

Kunduz vilayətində 10 əsgər və polis qətlə yetirilib, 11-i yaralanıb. Həmin döyüşlərdə 25 talibançının da öldürüldüyü bildirilir.


Bağlan və Taxarda isə Talibanın 16 hökumətyönlü döyüşçünü qətlə yetirdiyi bildirilir. Taliban da itki verib.

Badğis vilayətində altı təhlükəsizlik əməkdaşı öldürülür, 10-u yaralanıb.

Talibanın sözçüsü Zabihullah Mujahid qruplaşmanın hücumlara görə məsuliyyəti götürdüyünü bildirib. O, Talibanın onlarla əfqan əsgəri öldürdüyünü, xeyli silah-sursat ələ keçirdiyini vurğulayıb.

***

Əfqanıstanın iki vilayətində Taliban silahlı qruplaşmasının törətdiyi hücumlarda azı 15 polis əməkdaşı öldürülüb, 19 nəfər yaralanıb.

Taxar vilayətində Taliban yaraqlıları polis postuna hücum edib, azı 8 polis əməkdaşı öldürülüb, 14 nəfər yaralanıb.

Bağlan vilayətində isə Taliban nəzarət məntəqəsinə hücum edib, yeddi polis əməkdaşını qətlə yetirib. Hadisə yanvarın 10-da baş verib. Bu insident zamanı azı 5 polis əməkdaşı yaralanıb.

Taliban hələlik, hücumlara görə məsuliyyəti götürməyib.

Son aylar Taliban təhlükəsizlik qüvvələrinə, hökumət obyektlərinə hücumları artırıb. Əfqanıstan və ABŞ hərbçiləri isə yaraqlıların səhra komandirlərinə qarşı əməliyyatları gücləndirib.

Günün bütün mövzuları

XS
SM
MD
LG