Keçid linkləri

Təcili xəbərlər
2020, 28 Oktyabr, çərşənbə, Bakı vaxtı 12:56

Azərbaycan tələbələrinin qurultayıdır


Tələbələrin qurultayı

Bu gün, dekabrın 21-də Bakıdakı Heydər Əliyev Mərkəzində Azərbaycan Tələbələrinin II Qurultayı başlayıb.

Azərbaycan Təhsil Nazirliyi tədbiri Gənclər və İdman Nazirliyi ilə birgə keçirir.

Qurultayda Azərbaycanın Birinci vitse-prezidenti Mehriban Əliyevanın təbriki oxunub.

AZƏRTAC-ın xəbərinə görə, daha sonra təhsil naziri Ceyhun Bayramov çıxış edib. O deyib ki, artıq Azərbaycan Avropa Ali Təhsil Məkanının bərabərhüquqlu üzvünə çevrilib, ali təhsil müəssisələrinin fəaliyyəti Bolonya prosesinin tələblərinə uyğunlaşdırılıb.

Nazir qeyd edib ki, bu il qəbul imtahanlarında rekord sayda – 41 minə yaxın gənc tələbə adını qazanıb. 3 min 127 nəfər 600 baldan yüksək nəticə göstərib, 29 abituriyent 700 bal toplayıb.

Qurultay prezident İlham Əliyevin sərəncamı ilə təsdiq edilmiş «Azərbaycan gəncliyi 2017-2021-ci illərdə Dövlət Proqramı» çərçivəsində keçirilir.

Hazırda Azərbaycanın ali məktəblərində bakalavr səviyyəsində 157 min 662, magistratura səviyyəsində 13 min 442, orta ixtisas təhsili müəssisələrində 51 min 819 tələbə təhsil alır.

Multimedia

XS
SM
MD
LG