Keçid linkləri

Təcili xəbərlər
2020, 26 Oktyabr, Bazar ertəsi, Bakı vaxtı 20:25

AB-Azərbaycan təhlükəsizlik dialoqu keçiriləcək


Azərbaycan-AB

Oktyabrın 29-u və 30-da Azərbaycan ilə Avropa Birliyi (AB) arasında təhlükəsizlik üzrə ilk dialoq keçiriləcək.

«Turan» agentliyinin məlumatına görə, bunu AB-nin Azərbaycandakı nümayəndəsi Kestutis Yankauskas bildirib. Onun sözlərinə görə, Bakıda keçiriləcək ilk dialoqda AB-nin Avropa Xarici Tədbirlər Xidmətinin baş katibinin müavini Jan-Kristof Bellar iştirak edəcək.

«Hələlik, görüşün gündəliyini razılaşdırırıq. Təhlükəsizlik sahəsinə aid ən müxtəlif məsələlərə dair geniş məsləhətləşmələr aparılacaq», - o vurğulayıb.

Azərbaycan Xarici İşlər Nazirliyi ilə AB arasında təhlükəsizlik və enerji məsələləri üzrə dialoq mexanizminin təsis edilməsi barədə razılıq bu ilin fevralında əldə olunub.

Xatırlatma

Azərbaycan AB ilə əsası 2009-cu ildə qoyulan «Şərq Tərəfdaşlığı» proqramı çərçivəsində əməkdaşlıq edir. «Şərq Tərəfdaşlığı» AB-nin altı qonşu ölkəsini əhatə edir. Bura Azərbaycan, Gürcüstan, Moldova, Ukrayna, Belarus və Ermənistan daxildir. Bu ölkələrdən Gürcüstan, Moldova və Ukrayna qurumla assosiasiya sazişi imzalayıb.

2017-ci ilin noyabrında qurumla Ermənistan arasında da tərəfdaşlıq sazişi imzalanıb.

Azərbaycanla da belə sazişin imzalanması ilə bağlı danışıqlar ötən ilin əvvəlindən başlayıb.

Multimedia

XS
SM
MD
LG