Keçid linkləri

Təcili xəbərlər
2021, 08 Mart, Bazar ertəsi, Bakı vaxtı 22:21

ABŞ Bosniyadakı seçkidən ‘narahatdır’


Milorad Dodik-in seçki plakatı

Birləşmiş Ştatlar Bosniyanın seçki prosesindəki “qüsurlar”dan narahatlıq bildirib, eyni zamanda “sabit və çiçəklənən Bosniya və Herseqovinanı dəstəklədiyini” də dilə gətirib.

Oktyabrın 7-də keçirilmiş seçkidə Bosniyanın parçalanmasına tərəfdar olan serb millətçi ölkənin üçyerlik prezidentliyində yer qazanıb. ABŞ Dövlət Departamentinin sözçüsü Heather Nauert oktyabrın 8-də axşam bildirib ki, Birləşmiş Ştatlar “ATƏT-in seçkini müşahidə missiyasının, beynəlxalq müşahidə missiyalarının və yerli qeyri-hökumət təşkilatlarının seçki prosesi barədə səsləndirdiyi narahatlıqları bölüşür”.

“Buraya seçici siyahısının dəqiqliyi, seçki müşahidəçilərinin qərəzsizliyi, mediaya bərabər çıxış, dövlət resurslarından sui-istifadəylə bağlı narahatlıqlar daxildir”, – sözçü deyib.

Nauert-in səsləndirdiyi narahatlıqlar arxasında nəyin durduğu bəlli deyil. Amma “AP” agentliyi xəbər verir ki, prezidentlikdə yer qazanmış Bosniyanın serb lideri Milorad Dodik-in opponentlərin “saysız pozuntular”ın baş verdiyini iddia edərək səslərin yenidən sayılmasını istəyir.

ATƏT isə ümumilikdə seçkinin nəticəsini müsbət dəyərləndirib.

Bosniya prezidentliyində müsəlmanları Sefik Dzaferovic, xorvatları isə Zelijko Komsic təmsil edəcək.

XS
SM
MD
LG