Keçid linkləri

Təcili xəbərlər
2020, 27 Oktyabr, çərşənbə axşamı, Bakı vaxtı 19:22

Azərbaycanın olimpiya mükafatçısı cəzalandırılıb


İnna Osipenko-Radomskaya

Rio-2016 Yay Olimpiya Oyunlarının bürünc mükafatçısı İnna Osipenko-Radomskayanın 4 il müddətinə cəzalandırıldığı bildirilir.

Bu barədə məlumat Beynəlxalq Kanoe Federasiyasının (ICF) saytında dərc olunub.

2014-cü ildən Azərbaycanın şərəfini qoruyan ukraynalı kanoeçi antidopinq qaydalarını pozmaqda təqsirli bilinir.

Məlumata görə, Osipenko-Radomskaya 2018-ci ilin mayında yarışdankənar dopinq testindən keçməkdən imtina etdiyindən cəzalandırılıb.

Osipenko-Radomskaya Ukrayna yığmasının heyətində Sidney, Afina, Pekin və London olimpiadalarına qatılıb, bir qızıl, iki gümüş, bir bürünc medal qazanıb.

Texniki direktor: «O, iki ildir Azərbaycanı təmsil etmir»

«İnna Osipenko-Radomskaya 2016-cı ilin avqustunda bizim Avarçəkmə Federasiyasından ayrılıb».

Bunu Azərbaycan Avarçəkmə Federasiyasının texniki direktoru Leyla Əliyeva bildirib.

L.Əliyevanın sözlərinə görə, Ukrayna vətəndaşı olan İ.O.Radomskaya Rio-2016 Yay Olimpiya Oyunları ərəfəsində onlara müraciət edərək, Azərbaycanın adından çıxış etmək istədiyini bildirib: «Sonra övladı olacağı adı ilə Azərbaycandan gedib. Ona öz ölkəsinin adı ilə çıxış edə bilməsi üçün Azərbaycan şərait də yaradıb. Bundan sonra isə həmin şəxslə bizim əlaqələrimiz kəsilib».

Onun 2018-ci ilin mayında yarışdankənar dopinq-testdən keçməkdən imtina etməsi və buna görə cəzalandırılması haqqında məlumata gəlincə, L.Əliyeva bundan xəbərsiz olduğunu bildirib: «Əvvəla, bu yoxlama oyundankənar bir yoxlamadır. Ola bilər ki, bu şəxs idmana əlvida deyib. İkincisi, artıq Azərbaycanı bu məsələyə bağlayan əsas yoxdur. Bəlkə də buna görə bizə maraqsız olub».

Multimedia

XS
SM
MD
LG