Keçid linkləri

Təcili xəbərlər
2020, 20 Oktyabr, çərşənbə axşamı, Bakı vaxtı 18:18

'Shaltai-Boltai' haker qrupunun lideri həbsdən buraxılıb


Vladimir Anikeyev məhkəmədə, arxiv fotosu

Rusiyada yüksək profilli hesablara haker hücumunun arxasında durduğu güman edilən qrupun lideri həbsdən buraxılıb. Baş nazir Dmitry Medvedev-in hesabı da həmin qrupun hücumuna məruz qalmışdı.

Shaltai-Boltai qrupunun rəhbəri Vladimir Anikeyev avqustun 3-də Moskvadakı Lefortovo təcridxanasından buraxılıb. Məlumatı onun vəkili Ruslan Koblev avqustun 6-da yayıb.

Anikeyev-in iki illik həbs müddəti noyabrda bitirdi. Onun vaxtından əvvəli buraxılması yeni qanun sayəsində mümkün olub. Həmin qanuna görə, həbs qətimkan tədbirinin bir günü həbsdə gün yarıma bərabərdir.

Anikeyev 2017-ci ilin iyulundan Lefortovoda saxlanır. O, məhkəməsi zamanı hakimiyyətlə əməkdaşlığa razılıq vermişdi.

Shaltai-Boltai-nın digər iki üzvü – Aleksandr Filinov və Konstantin Teplyakov 2017-ci ilin sentyabrında üç illik həbs cəzasına məhkum ediliblər.

Bu qrupun üzvlərinin 2016-cı ildə saxlanması barədə məlumat Rusiya mediasının bu haqda yazmasından sonra üzə çıxıb. O zaman Federal Təhlükəsizlik Xidmətinin (FSB) kibercinayətkarlıq bölümünün iki rəsmisinin vətənə xəyanət ittihamıyla saxlandığı bəlli olub.

Rusiya mediası yazırdı ki, rəsmilərin haker qrupuna bağlılığı var, yaxud onu nəzarətə almağa çalışıblar.

XS
SM
MD
LG