Keçid linkləri

Təcili xəbərlər
2020, 21 Oktyabr, çərşənbə, Bakı vaxtı 03:47

Manafortun məhkəməsində jüri seçilib


Paul Manafort

ABŞ prezidenti Donald Trump-ın seçki kampaniyasının keçmiş rəhbəri Paul Manafort-un məhkəməsində jüri seçilib.

İyulun 31-də Virciniya ştatının Aleksandriya şəhərindəki federal məhkəmədə 12 jüri üzv və dörd əvəzedici seçilib.

Manafort xüsusi prokuror Robert Mueller-in irəli sürdüyü ittihamlarla məhkəmə qarşısına çıxarılan ilk şəxsdir. Mueller vəzifəyə 2017-ci ilin mayında təyin olunub, Rusiyanın 2016-cı il prezident seçkisinə iddia olunan müdaxiləsini, Trump-ın seçki kampaniyası ilə Rusiya rəsmilərinin mümkün əlbirliyini araşdırır.

69 yaşlı Manaforta 2017-ci ilin oktyabrında ittihamlar irəli sürülüb. O, Trump-ın seçki kampaniyası üçün çalışdığı dönəmdən öncə lobbiçi kimi işlərkən ABŞ-ın bank qanunvericiliyini pozmaqda suçlanır. Ancaq özü ittihamları qəbul etmir.

Manafort ABŞ-ın xarici agent qanunlarını pozmaqda da ittiham olunur. Bu ittihamlar sentyabrın 17-də başlanacaq məhkəmədə araşdırılacaq.

XS
SM
MD
LG