Keçid linkləri

2024, 23 May, Cümə axşamı, Bakı vaxtı 14:05

Jurnalistin qətlindən 2 il keçir, qatilləri tapılmayıb


Pavel Sheremet-in Minsk yaxınlığındakı məzarı üstündə abidənin açılışı, aprel, 2018-ci il
Pavel Sheremet-in Minsk yaxınlığındakı məzarı üstündə abidənin açılışı, aprel, 2018-ci il

Jurnalist Pavel Sheremet-in Kiyevin mərkəzində öldürülməsindən iki il keçir, ancaq qatillər hələ də tapılmayıb.

İyulun 20-də onlarla jurnalist, hüquq müdafiəçisi, vətəndaş cəmiyyəti fəalı, dostları, həmkarları onun öldürüldüyü yerdə ucaldılmış xatirə abidəsinə gül dəstələri düzüblər.

Çoxlarının əllərində tutduğu plakatlarda “Pavel Sheremet. 20.07.2016. Qatillər hələ də tapılmayıb” sözləri yazılıb.

TƏNQİDLƏRİNƏ GÖRƏ HƏDƏLƏNMİŞDİ

Əslən Belarusdan olan Rusiya vətəndaşı Sheremet Kiyevdə yaşayırdı. O, partnyoru Olena Prytula ilə qaldığı mənzildən çıxıb səhər proqramını aparmağa gedirdi. Bu zaman sürdüyü Subaru avtomobilinin altına qoyulmuş partlayıcı qurğu işə düşür. Jurnalistin 44 yaşı vardı.

Ukrayna rəsmiləri hadisəni pisləyib, Sheremet-in ölümünə görə məsuliyyət daşıyanları tapmaq vədi verib. Amma indiyədək heç kəs saxlanmayıb, polis ictimaiyyətə heç bir informasiya açıqlamayıb.

İnsan haqları təşkilatları, ABŞ və Avropa hökumətləri Ukrayna rəsmilərini hücumu hərtərəfli araşdırmağa çağırıblar.

Sheremet 1998-ci ildə Jurnalistləri müdafiə Komitəsi tərəfindən Beynəlxalq Media Azadlığı Mükafatına layiq görülmüşdü. O, tənqidi mövqeyilə seçilən şərhçi, güclü reportyor idi. Belarusda, Rusiyada, Ukraynada tanınmış media orqanlarında çalışmışdı.

Siyasi liderləri tənqid etməsinə görə müxtəlif hədələrlə üzləşmişdi. 2000-ci ildə Rusiyanın Çeçenistan regionundan qayıdarkən belaruslu operatoru Dzmitry Zavadski oğurlanaraq öldürülmüşdü.

Sheremet 2010-cu ildə, Rusiyada yaşadığı dönəmdə Belarus vətəndaşlığından məhrum edilib. O, Rusiyaya 1997-ci ildə köçmüşdü, səbəb prezident Alyaksandr Lukashenka hökumətini tənqid etməsinə görə üzləşdiyi tənqidlər idi.

AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG