Keçid linkləri

Təcili xəbərlər
2018, 24 Sentyabr, Bazar ertəsi, Bakı vaxtı 14:06

Pashinian etirazları dayandırmağa çağırır


Nikol Pashinian etirazçılarla danışır, 17 may, 2018-ci il

Ermənistanın baş naziri Nikol Pashinian vətəndaşları tətilləri, vətəndaş itaətsizliyi etirazlarını dayandırmağa çağırıb. O, mayın 17-də Facebook-da canlı yayımda etirazları yerli vaxtla günorta 3-də dayandırmağa səsləyib.

“Biz yolları ona görə bağlayırdıq ki, Ermənistanda xalqın etimad göstərdiyi hökumət yox idi. Bu gün isə xalqın inamını qazanmış hökumət var”, – Pashinian deyib.

Baş nazir şikayəti, problemi olanları hökumətə yazılı şəkildə təqdim etməyə çağırıb.

Hökumətlə cəmiyyətin qarşıdurması hökumətlə cəmiyyətin əməkdaşlığı ilə əvəzlənməlidir”, – Pashinian deyib.

Bu arada indiki etirazları keçmiş hökumətin adamlarının, Pashinian hökumətinin işinə sabotaj məqsədilə təşkil etməsinə dair spekulyasiya yaranıb. İndi ayrı-ayrı qruplar yerli hakimiyyətin istefasını, maaş artımı tələb edir, yaxud da iş yerlərinin ixtisarına etirazlarını bildirirlər.

Ancaq baş nazir mayın 17-də AzadlıqRadiosu-na deyib ki, o, heç bir “sabotaj” elementi görmür.

***

Ermənistanın yeni baş naziri Nikol Pashinian şəhər sakinlərini etirazları dayandırmağa çağırıb.

Mayın 17-də hökumətin toplantısından öncə jurnalistlərə danışan Pashinian etirazçıları “nəfəs dərməyə” çağırıb.

Artur Davtian
Artur Davtian

Mayın 17-də onlarla etirazçı Yerevanda yürüş edərək baş prokuror Artur Davtian-ın istefasını tələb ediblər. Bundan öncə məhkəmə Sasna Tsrer qruplaşmasının 10 üzvü barəsində həbs qətimkan tədbirinin ləğvindən imtina edib.

Həmin 10 nəfər 2016-cı ildə Yerevanda polis şöbəsini 2 həftə ərzində tutmaqda, iki polis əməkdaşının ölümüylə nəticələnmiş qarşıdurma yaratmaq suçlanır.

“UDUZARIQ”

Artıq bir neçə gündür Yerevan sakinləri mer Taron Markarian-ın da istefasını tələb edirlər, onu korrupsiyada, dövlət vəsaitindən düzgün istifadə etməməkdə, paytaxtda bir parkda ağacların qanunsuz kəsilməsində ittiham edirlər.

Mayın 16-da etirazçılar meriyanın binasında oturaq aksiya keçiriblər
Mayın 16-da etirazçılar meriyanın binasında oturaq aksiya keçiriblər

***Buna da bax: İndi də Yerevanın merinə etiraz edirlər

Markarian keçmiş prezident, küçə etirazları nəticəsində aprelin 23-də baş nazir postundan getməyə məcbur qalmış Serzh Sarkisian-ın müttəfiqi sayılır.

Bütün problemləri birdən həll etmək istəsək, uduzarıq. Vətəndaşların narazılıqlarını azad ifadə etmək hüququndan istifadə etməsi yaxşıdır, ancaq anlamalıyıq ki, bütün problemləri birdəfəlik həll etmək mümkünsüzdür”, – Pashinian deyib.

Baş nazir onu da vurğulayıb ki, “indiki məqamda Markarian və Davtian-ın istefasını tələb etmək mənasızdır”.

Sarkisian-ın istefası ilə nəticələnmiş küçə etirazlarına liderlik etmiş Pashinian mayın 8-də parlamentdə baş nazir seçilib.

10 il prezident olmuş Sarkisian-ın opponentləri onu Ermənistanda oturuşmuş hakim elitanın tərkib hissəsi sayır, bunun erməni xalqının maraqlarına uyğun olmadığını deyirdilər.

Günün bütün mövzuları

XS
SM
MD
LG