Keçid linkləri

Təcili xəbərlər
2018, 23 Sentyabr, bazar, Bakı vaxtı 02:16

Kaspersky infrastrukturunu Rusiyadan çıxarır


Kaspersky Lab-ın Moskvadakı ofisi

Rusiyanın Kaspersky Lab antivirus proqramları şirkəti bu gün – mayın 15-də bildirib ki, əsas infrastrukturunu və əməliyyatlarını İsveçrəyə köçürür. ABŞ hakimiyyəti bu şirkəti Kremlin casusluq fəaliyyətinə yardımda suçlayır.

“Frans Pres” agentliyi Kaspersky-yə istinadla yazır ki, “əksər regionları əhatələyən data bazası və emalı, eləcə də proqramların yığılması, təhlükənin aşkarlanmasıyla bağlı yeniləmələr” transfer olunacaq.

ÜÇÜNCÜ TƏRƏFİN NƏZARƏTİ

Tam şəffaflıq və bütövlüyün təminatı üçün Kaspersky Lab bu fəaliyyətə İsveçrədə yerləşən müstəqil üçüncü tərəfin nəzarətini təşkil edəcək”, – şirkət bildirib.

Bu şirkətin proqramları dünyada 400 milyonadək kompüteri qoruyur.

Şirkətin rəhbəri Yevgeny Kaspersky
Şirkətin rəhbəri Yevgeny Kaspersky

Birləşmiş Ştatlar hökuməti ötən il Kaspersky-dən proqram almağı dayandırıb. Bundan bir neçə həftə öncə ABŞ kəşfiyyat agentliyi və hüquq-mühafizə orqanları bu proqramların təhlükəsizliyi sarıdan narahatlıq dilə gətirmişdilər.

ABŞ hökuməti işçilərinə Kaspersky antivirus proqramından istifadəni yasaqlayıb.

***Buna da bax: ABŞ Rusiyaya “görk olsun deyə” qazax hakerə ağır cəza istəyir

Kaspesky isə qoruyucu sistemlərini yarmağın, Rusiya kəşfiyyat agentliklərinin onun proqramları vasitəsilə kompüterləri güdməsinin mümkünsüz olduğunu bildirib. Ancaq yenə də müştərilərini məhsullarının təhlükəsizliyinə inandırmaqdan ötrü tədbirlər görəcəyini deyib.

Bu ilin sonunadək antivirus proqramının istehsalı Sürixə köçürüləcək. Qeyri-rusiyalı müştərilər haqda informasiya gələn ilədək orada tikiləcək data mərkəzdə saxlanacaq.

Kaspersky rəsmisinin agentliyə bildirməsinə görə, Rusiya bazarı üçün inkişaf və data mərkəzi elə bu ölkədə qalacaq.

Günün bütün mövzuları

XS
SM
MD
LG