Keçid linkləri

Təcili xəbərlər
2020, 30 Oktyabr, Cümə, Bakı vaxtı 10:43

Pambıqçıları daşıyan traktor suya aşıb: 6 ölü


Traktor

Sabirabad rayonunda baş verən yol-nəqliyyat hadisəsində ölənlərin sayının 6-ya çatdığı bildirilir.

Verilən məlumata görə, qəzada xəsarət alan qadınlardan biri də Şirvan Şəhər Mərkəzi Xəstəxanasında vəfat edib.

Qəzada xəsarət alanlardan bəzilərinin xəstəxanaya yerləşdirildiyi deyilir.

+++

Bu gün, mayın 7-də, səhər saatlarında Sabirabad rayonunda yol-nəqliyyat hadisəsi baş verib.

APA-nın məlumatına görə, Şəhriyar kəndində traktorun qoşqusunun aşması nəticəsində 5 nəfərin öldüyü bildirilir. Daha bir neçə nəfərin xəsarət aldığı deyilir.

Xəbərdə vurğulanır ki, ilkin ehtimala görə, ölənlərin hamısı pambıq tarlasına işləməyə gedən qadınlar olub.

Traktorun qoşqusunun su kollektoruna aşdığı və qadınların orada boğulduğu bildirilir.

Ölənlərdən 3-nün bir ailənin üzvü olduğu söylənir.

Verilən məlumata görə, traktoru idarə edən Şəhriyar qəsəbə sakini ailə üzvlərini və yaxın qohumlarını tarlaya işləməyə apararkən qəzaya düşüb.

Sabirabad rayonunda baş verən yol-nəqliyyat hadisəsi haqqında AZƏRTAC da məlumat yayıb. Orada yaralananların sayı 12 nəfər göstərilir.

Multimedia

XS
SM
MD
LG